شهادات من مواطني منطقتي التوام والعطاطرة عن حجم الدمار الذي خلفه الاحتلال فيهما

هذه شهادات مواطنين من شمال غزة حول الدمار الذي حل بمناطق التوام والعطاطرة  بعد تعرضها لقصف صهيوني كثيف وتوغل آليات الاحتلال، نقلتها منصة AJ+ عربي في تاريخ 2 فبراير 2024، وهذا نقل لشهاداتهم كما وردت:

مواطن: هذا عجز عن مواجهة المقاومة بينتقموا من المباني، هذا دمار، دمار شامل هذا، والله ما احنا عارفين المنطقة وين، معالمها كلها متغيرة، يعني فشّي إشي حتى المقبرة مالهاش علوم اللي هانا والله ما احنا شايفين وين الأموات كمان مش الطيبين، كله معدوم يعني.

البيوت كلها دمار شامل، الاسفلتات، مش عارفين ايش المكان بالضبط يعني، بيتي تحت يعني حسب ما أنا شايف مش حعرفه (البيت)، يعني في شجر اللي زارعه 20 سنة مش حشوفه يعني، والحمد لله رب العالمين، أنا لي 20 سنة هان باجي وبروح وبزرع وباني الولد فيها وساكن، (يضحك)أنا مش عارف وين الشوارع راحت أصلاً.

مواطنة: هيها، دمار شامل، دمار، الدور كلهن منهوبات، الدور ولا واحدة بتنسكن فيها بني آدم، دمار شامل يا بن العم هذا مش حرب هذا دمار شامل، دمار بالمرّة، لا يصلح للسكن بالمرّة نهائي، والله ما عندنا لا أكل ولا شرب ولا طحين ولا حاجة الله خلقها، فشّي طحين، احنا بنّاشد.. احنا بنقول للدول العربية كلها تقف مع فلسطين، يجيبوا لنا أكل يجيبوا لنا طحين.

الوسوم