"مفقودون في غزّة": شهادة شابّ فقد الاتصال بأهله منذ حوالي 17 يومًا
هذه شهادة خليل الهسي حول فقدانه الاتصال بأهله لأكثر من 17 يوماً في مناشدة أطلقها عبر قناة الجزيرة مباشر ضمن سلسلة "مفقودون في غزة" في تاريخ 30 يناير 2024 للوصول إلى عائلته، وهذا نقل لشهادته كما وردت:
أنا ما بعرف عنهم شيء من 16 يوم فاقد الاتصال تماما لا بعرف إنهم عايشين ولا مستشهدين.
انا بناشد ذوي الاختصاص، للصليب الأحمر، للهلال الأحمر إنه أنا فاقد الاتصال بأهلي من تقريباً 17 يوم أو أكتر، ما بعرف عنهم شي. أهلي كانوا في غزة ونزحوا إلى خان يونس عند دار خالي أبو محمد الهسي، مقبل الهسي، تقريبا موجود في البيت أكتر من 20 شخص.
منهم أمي واختي، واختي المتزوجة ومعها ولادها، وتلات اخوات، ودار خالي مقبل وولاده، ودار خالي أنس وولاده، سألت اللي في رفح ما بعرفوا عنهم شي. رجاء التام اللي بعرف يتواصل معهم، هما عايشين في خان يونس حي الأمل ما بعرف تحديدا بالضبط وين بس بحي الأمل أنا بعرف. اللي بيعرف شي أخبار عنهم يتواصل معي عبر الواتس آب.
