شهادة الشاب هشام وشاح الذي تطوع لتنظيف مدرسة إيواء وإخراج القمامة يوميًا
لقاء مع الشاب هشام وشاح الذي يقوم بتنظيف مراكز الإيواء في مدينة رفح بعد أن لجأ إليها أهالي قطاع غزة
أنا بساعد الناس، أحب ما علي أكون بساعد الناس… تطلب من واحد بالمدرسة يكون بساعد الناس… الناس الي هان جماعة كريمين يعني مين ما اجى بساعد…
أنا بنضف، خصوصي البكتيريا والأمراض… لازم نقعد احنا في بيئة نظيفة… بنرمي الزبالة، وبنظف الزبالة وبنظف الحمامات كمان الله يعزك، وبنزبط أمورنا وبنقعد في حاجة نظيفة… بنقعد هان وبنضل في حاجة نظيفة… فهمت علي؟ كل يوم لازم تنظيف زي هيك… احنا بنعمل هيك عشان نقعد في حاجة نظيفة، بيئة نظيفة… عنا أطفال الله يعزك، وعنا أولاد… احنا بالنسبة النا لازم نقعد في شغلة نظيفة…
موجود التنظيف، احنا بننظف كل يوم… يعني في لجنة تبع المدرسة، بتدي (بتعطي) إكراميات، مثلًا نظف اليوم بتديك ع يومه… أما إذا احنا مشتغلين عادي يعني ما فش إشكال، كل واحد بنظف أجر لله يعني مش أكتر…
تقريبًا من 9 الصبح، لحد الآن… تقريبًا احنا الحين (الآن) الساعة 2… لحد الآن نظافة لكل الساحة ولكل الي جنب الصفوف هاد كله نظفته تقريبًا… هاي تخليصتي للتوي (الآن انتهيت)… الأمور بتمشي بالسليم، يعني كل واحد بقلك الله يعطيك العافية، اللع يعطيك العافية يا عم… كلهم ناس على عيني وراسي في هالمدرسة… احنا مش مقصرين
والله أنا بحس بتقدير من الناس… هي النظافة أحسن من كل حاجة… النظافة حلوة… إنت لما تنظف وتعمل وتسوي حتى البني يقعد في حاجة نظيفة… والي بلزمني والي مجبور يعني البني آدم الي بنظف بطلعله مثلًا 10، 20… يبقى أموره فيها حلوة من عرق جبينه بشتغل. لو في بلديات بتلاقي كوم الزبالة الي برا مشيول، أما فش بلديات نهائي… ولا بلدية ولا وكالة يعني، من الآخر، ما فش… احنا بنساعد حالنا من حالنا هان، مش أكتر يعني… إذا ما نظفتش إنت مفش حدا بنظف
أقلك، أنا فرحان لأني أنا بنظف… أنا بالنسبة الي فرحان إني أنا بنظف… يعني بنظف حالي وبنظف ع غيري كمان… وكل الأجر من عند الله
