شهادة طفلة فلسطينية حول قصف الاحتلال لمنزلها

هذه شهادة طفلة مصابة حول قصف منزلهم وهم نائمين واستشهاد اخوتها وإصابة أمها إصابة خطيرة أدت إلى بتر ساقها، نقلتها الجزيرة مباشر في تاريخ 11 يناير 2024، وهذا نقل لشهادتها كما وردت:

احنا كنا نايمين، أنا صحيت بس كنت قاعدة لحالي كنت متضايقة، لسه بحط رأسي على المخدة صارت الضربة، صحيت لقيت كل الحاجة مولعة نار، وأمي بتصوت، أجوا الناس من دار نوفل قبالنا وصاروا واحد واحد يجوا يحملوا فينا، بعدين أخدونا على المستشفى إلا بابا جاء حكى لي إنه اخوتي استشهدوا الاتنين وأمي حولوها على الأوروبي - مستشفى غزة الأوروبي في خان يونس - بدهم يقطعوا رجلها، وبعدين نقلوني على هادي الغرفة وبعرفش اشي، لسه يعني مشفتش اخوتي أنا، مشفتش أهلي ولا إمي ولا اخوتي، حسبنا الله فيهم كلهم، كلهم هادول راح نحاسبهم عند ربنا زي ما عملوا فينا.

ايش دخل المدنيين وكل الناس اللي في دورهم، احنا أربع بنات بس وولد صغير معنا، كلنا هيك ضربونا بصاروخ طيب احنا ايش سوينا لهم؟ مكناش لا ضاويين ضوء ولا بنلعب على جوالات ولا صاحيين، كنا نايمين بفراشنا فجأة ضربوا علينا الضربة هاي، في القرآن الكريم ما فيش مكتوب أنه اليهود تنتصر، يعني هيك هيك قد ايش ما يعملو احنا المنتصرين.

الوسوم