شهادة طفلة فلسطينية قصف الاحتلال منزلها في القرارة
شهادة طفلة فلسطينية من مدينة غزَّة تبكي أقاربها بعد استهداف طائرات الاحتلال منزلهم في منطقة القرارة بمدينة خانيونس، رصدتها قناة "الجزيرة مباشر" في تاريخ 10 يناير/ كانون الثاني 2024.
أنا اسمي لمار سلامة أبو موسى.
يعني القصف صار أحنا كنا نايمين فقصفوا البيت، فأحنا نزلنا نجري على طول نشوف دار عمي فلقيناهم هم، أول اشي أنا مكنتش بعرف أنه هي.. (تبكي لمار).. أنه هي استشهدت، أول اشي حكولي آه بعدين حكولي لا.. مش عارفين وجهها.. اتشوه وجهها، فرحنا معهم على المستشفى عشان بدي أشوفهم وأودعهم، عشان زمان شفتهم يعني.
أنا بشوف كل أطفال العالم عايشين مش زينا.. أحنا يعني محدش بحبنا، يعني كأننا أعداء، كأننا أحنا بنكره العالم، أحنا بدناش اشي من العالم بس بدنا السلام.. يعني أنا بديش اشي بس بدي أعيش مع عيلتي بس أضلني قاعدة ولو في الشارع بدون أكل بدون شرب.. بس أضلني مع عيلتي بدون ما يصير اشي.. بدون ما أفقد حدا زي إلّي صار اليوم.
مهما حكيت مهما عيطت (بكيت) وخفت محدش من العالم معبرنا.. 3 شهور محدش معبرنا، يعني أنا على الفاضي ايش ما أعمل على الفاضي.
